Die afgelope tyd...

... is moeilik. 

Vir almal.

Siekte

Dood

Onregverdigheid

Stres

Gesondheid

Verandering

Seer

Teleurstelling

Vrees

Skok ...?

... 2016 het sover sy klappe uitgedeel. Daar is so baie mense waaraan ek dink as ek dit sê.

Die ondenkbare is op sommige mense se paaie gestuur. En tog, al is daar omstandighede waarin mens nie sal wil oorleef nie, het ek die volgende gesien...

Mense getuig. Mense pas aan. Mense neem die lewe weer in deeglike oorsig. Mense waardeer mekaar. Mense lief mekaar. En meeste? Ten spyte van hul uitdagende omstandighede... loof en prys mense die Here... meer as ooit!

Hoekom? Omdat Sy woord so sê? Ja... maar ek dink die rede is te doene met die volgende...

Mense ervaar God... skielik, as die wêreld koud en leeg voel... voel God naby. Ten spyte van alles wat ons harte uitruk, alles wat ons verloor... wen ons! Tyd saam ons Skepper. Tyd om te besef. Tyd om te verander... van dink-mense... na doen-mense. Mense wat liefde met hande gee... mense wat "eina" verstaan.

Waarmee ookal jy vandag gekonfronteer word. Wat ookal jy vandag moet "face". Doen dit, met die wete, dat Iemand jou oplig, jou dra. Jou liefhet.

Mag julle elkeen God se Vrede opnuut ervaar vandag.

♡ TG ♡