ñ Vriend van Jesus?

Word jy herken as een van Jesus se vriende?

Hulle is ook herken as manne wat saam met Jesus was.

... Handelinge 4:13

My gedagtes haak vas by hoofstuk 4 wanneer ek deur Handelinge lees.

Lees dit weer, en weer.

Beskou as een wat saam met Jesus was...
kan jy jou indink dat dit jou getuienis is? Wow...

Natuurlik in hierdie konteks, beteken die woorde... dat die mense Petrus en Johannes dopgehou het en oor hul bediening hulle letterlik (h)erken het as dissipels van Jesus. Hulle (h)erken hulle as mense wat jare van hul lewe in noue vriendskap saam met Jesus self deurgebring het.

Maar ek glo ons het die geleentheid as kinders van God om 'n soortgelyke erkenning te geniet.

Het jy al ooit daaraan gedink? Het jy al die maniere wat Jesus ons geleer het om te lewe beskou? Wanneer ons is lief vir ons bure en ñ nederige pad saam Hom stap, wanneer ons sagmoedige en rein van gees optree, wanneer ons die ekstra myl loop, streef na ñ suiwer hart, en gee aan diegene in nood sonder om te skroom, wanneer ons is lief vir ons vyande en  vurige geloof lewe. Dan, wys ons wel... dat ons saam Jesus was.

Wanneer mense sien waar ons optrede werklik vandaan kom het hulle die kans om ons te erken as dié wat saam met Jesus was.

Ek lewe nie altyd so mooi nie. Dit breek my hart om te sê, maar dit is waar. En ek is seker ek is nie alleen in daardie belydenis nie.

Wat gebeur as ons vir ons self bietjie hoër standaarde stel? Ons self uitdaag om beter te lewe, te lewe vir Hom? Hoe sou jy optree as Jesus saam jou geloop het? As hy saam jou uit was gisteraand? As hy saam jou ñ probleem moes uitsorteer? Sou jy kalmer gewees het? Vriendeliker? Mooier woorde gebruik het?

Wel, Hy is... altyd daar. Waarom lewe ons dan nie so nie? Waarom vergeet ons Hy is daar?

Wat gebeur ... as ons kies om op so 'n manier te "operate" dat die mense rondom ons, ons as mense wat saam met Jesus was ... kan herken?

Ek weet nie van julle nie, maar ek wil dit as my getuienis hê... soos die dissipels. Ek wil getuig dat dit die hoogste erkenning van my lewe was.

Selfs meer as om vrou vir my man te kon wees of ma van my kinders of dogter van my ouers... selfs meer as enige professionele titel.

Ek wil geken word ​​as een wat saam met Jesus was.

Watter waarborge is daar in die lewe?

Hierdie eén lewe op aarde bied nie baie waarborge nie. As dit maar was soos wanneer jy iets gaan koop... en jy kry ñ twee jaar waarborg... of jy betaal ekstra vir daardie verlengde waarborg tydperk.

Maar, dit is nie.

Benjamin Franklin, een van die stigters van Amerika en bekende skrywer en politikus het die volgende stelling gemaak:

 “In this world, nothing can be said to be certain, except death and taxes.”

Dood en belasting.

Ek is ñ Christen... en dit bring vir my gerusstelling oor iets in hierdie wêreld... meer as net dood en belasting.

Ek weet verseker dat Jesus lééf...

... ek weet verseker dat Hý my reeds gered en vrygespreek het.

Ek weet elke oomblik is ñ genade-geskenk.

Ek weet dat die liefde wat ek nou op aarde ervaar in my familie en vriende... dat ek dit ontelbaar meer in Christus sal ervaar wanneer ek op ñ dag hierdie wêreld sal verlaat. Ek sal hulle nie hoef te mis nie... want ek sal hulle deur Hom ervaar, waar ek by Sy voete gaan sit.

... laaste, maar... die belangrikste... ek weet dat God my liefhet. Elke liewe dag en nag... en daarna.

Daar is soveel meer waarborge in Christus... as net dood en belasting.

Geniet jul Sondag.
Tersia

Iets om oor te dink...

Iets om oor te dink...

Heerlike naweek.

Opportunity? Geleentheid?

"Opportunity"... al ooit gewonder hoekom dit so ñ vreeslike lang woord is? Die Afrikaanse weergawe beskryf dit nogal mooi "geleentheid"... iets wat aan jou geleen is.

En soos dit in Engels gesê word... "with great gift comes great responsibility."

Is dit dalk hoekom mens bang is om nuwe geleenthede aan te pak... die gedagte dat dit groot verantwoording gaan kos?

Of... dink jy anders daaroor... "Moenie dink nie, doen net".

Ongelukkig, werk die lewe nie altyd so maklik nie... hoe ouer jy raak hoe meer verantwoorselikhede dra jy... hoe minder kanse waag jy.

Ek glo ñ geleentheid is net ñ geleentheid as dit van God af kom.

En tog, so min ken ons God werklik in ons besluite. Ons vra hom... maar wag ons vir die antwoord... soek ons Sy doel met ñ passie? Of is ons louwarm op die grenslyn van ons eie lewens?

Jesus Christus het ons vrygespreek. Hy het die werklike prys betaal sodat elkeen van ons die geleentheid het om te kan lewe, te sterwe, en weer te kan lewe. Vir ewig.

Sy lewe verloor. Vir ons.

Wat doen jy met daardie geleentheid wat hy vir jou gekoop het aan die kruis?  As jy dink aan die pad wat Hy gestap het... dan, dink jy mooi oor jou pad. Wees suinig... moenie jouself maklik weggee vir geleenthede wat nie opbouend is tot God se Koningkryk nie.

En... wees oop... vir geleenthede wat ñ verskil maak. Wat moontlik nie maklik is nie... maar wel moontlik is. Vertrou.

Moenie vasgevang raak in spinnerakke wat jou visie toe weef nie.

Leef elke oomblik raak. Dit is "geleentheid"!

Hardloop jou "megabytes" uit?

Ons woon in ń huis wat met koopkrag (prepaid) meters werk...

My seun, Jewan (5), is nogal ń bekkige outjie. Té bekkig.

Ek lê in die bad, hy klop aan die deur en sê ek beter nou gou klaar bad... want hy wat Jewan is gaan die lig afsit... want die "megabytes" is amper klaar...

Kan so lekker lag vir die onskuldige kinderlike wyshede.

Dis Augustus-maand... ons almal is op ons mid-winter "blues". Hardloop jy dalk ook vandag uit "megabytes" uit?

Het jy al die vreugde en vrede in jou hart ervaar wanneer God jou nuwe krag gee?

Kyk wat sê God vir ons, ñ boodskap so spesiaal en direk, in 1 Petrus 5 vers 10:

"God wat alle genade gee en wat julle geroep het om in Christus Jesus deel te hê aan sy ewige heerlikheid, sal julle, nadat julle 'n kort tydjie gely het, self weer oprig en julle moedig, sterk en standvastig maak.

Mag God jou nuwe krag gee, vir die volgende seisoen in jou lewe.

Mag hierdie lente-seisoen vir jou... net liefde, vreugde en vrede inhou. Net, uit-die-maag lag oomblikke, en soete herinneringe van die geliefdes wat jou moontlik reeds verlaat het.

Geniet ñ wonderlike week. Drink daai ekstra koppie koffie... die lewe is kort.

Blessings
♡TG♡

Can you see the wood for the trees?

If someone can't see the wood for the trees, they get so caught up in small details ... that they fail to understand the bigger picture.

Can you see the bigger picture for your life?

The most wonderful feeling in life is loosing everything, that was never important. And starting over again with everyone that are really important.

This opens up a whole new world. A whole new perspective. An entire sense of being... and being grateful. For every blessing. Every little blessing. Every big blessing. Every single moment. Every day.

Your husband. Children. Family. Friends. Animals. Yourself ... any of them? All of them.

This makes life worth it.

Can you see the truth?

Step away from anything that brings harm to what is important. But, also, work hard when necessary, for what is important.

Feeling trapped today? Exhausted? Can't breathe? Step away. Anything that makes you feel like this... is not important any more!

See the Wood for the Trees. Be Free.

Live your life. Today.

♡Grondpaaie in die lewe...♡

"Grondpaaie in die lewe..."

Soms stuur God jou op grondpaaie... waar jy mense ontmoet wat dink hulle het alles, wat dink, hulle is allles.

Mense wat "invincible" is... mense wat nie besef hoe ver hul werklik van God af is nie, hoe ver hul werklik van "lewe" af is nie.

Jy mag finansieel goed doen, jy mag blessed wees. Maar, as jy lewe met oogklappe oor die seer en swaar om jou, as jou potjie aanhou voller word, raak jou hart al hoe meer leeg. As jou potjie oorlopens toe vol is... wat dan? Het jy bietjie uitgedeel om jouself nederig te hou? Of, het jy wel uitgedien... maar, net waar dit vir jou "gemaklik" was.

Gee jy... vir goeie sake .... wat jou reputasie bevoordeel. Terwyl, daar onder jou neus, tussen jou eie, seer en swaar is, wat jy doelbewus ignoreer?

Soms stuur God jou op grondpaaie... waar jy hierdie mense ontmoet. Raakleef. Waar hierdie mense jou moontlik ook benadeel, moontlik ook probeer seermaak, gebruik. Het jy moontlik al soveel blessings opgegee om hierdie mense tevrede te hou... omdat God sekere verantwoordelikhede op jou pad geplaas het, en jy gehoorsaam moet bly aan die verantwoordelikhede?

Wanneer die situasies jou mismoedig maak... onthou, mense kan jou seermaak met woorde, met aksies. Jou aardse lewe kan hulle baie skade aanrig. Maar, hulle kan niks aan jou doen nie, want vir jou ewigheidslewe is jy,my vriend, reeds gered.

So, terwyl jy op hierdie grondpad reis, en omring is deur "blinde vriende" ... bid vir hulle. Bid vir hulle dat harte van klip, harte van vlees sal word, bid ... om beter te verstaan waarom hulle die dinge doen wat hulle doen. Bid dat hulle oe sal oopgaan vir die waarheid. Dat God se Liefde hulle harte so sal vul, dat hulle net elke dag in Sy Wil sal beweeg. Alle besluit, binne Sy wil sal neem. Bid, elke dag. Bid vir vergifnis en genesing in die harte van mense, wat deur "blinde mense" seergemaak en tenagekom is.

Maar, wees versigtig... moenie self blind of bitter word nie. Lewe met 'n oop hart, en oop oe. Sien seer en swaar om jou raak. Sien liefde om jou raak. Seg elke dag asseblief en danke. Dink voor jy iets spreek (hierdie is ook belangrike les vir my), dink voor jy iets dink (nee, ek is nie mal nie, dit is regtig so.... dink voor jy dink). Lewe eenvoudig, wees dankbaar. Glo altyd in jou Skepper. Wanneer dit amper onmoontlik raak... glo nogsteeds. Waardeer familie en vriende en ook vreemdelinge op jou pad gestuur. Lag baie. Vergewe baie. Beweeg aan, baie. Wees vriendelik, maar bly tog gegrond in jou waardes (ferm). Wees opreg. Wees altyd jy.

En, kyk rond. Is die persoon langs jou dalk vandag siek, of honger? Hartseer? Het hulle iets nodig? Waarmee kan jy help.

Charity begins at home. Then next door, then a block away, then two blocks, then at work, then on your way home, then ... where it was not asked for, but really needed.

Wanneer jou grondpad vir jou te lank raak. Vra, ja... jy mag vra. Vra, vir nuwe krag. Vra, vir God se Wil. Hy... hou Sy beloftes. Altyd.